|
|
|
| U |
S |
E |
R |
M |
I |
X |
HEIMAT |
    |
| |
|
|
|
|
|
|
|
|
|
| Hauptmenü |
Information |
|
|
|
|
|
|
|
|
|
|
Gedichte
A Häusl muss a Gaartl hoann |
|
|
|
1.
A Häusl muß a Gaartl hoann,
a Gaartl und ann Zaum.
A Häusl, woaas kee Gaartl hoot,
doas sällt ees goar ne baun.
2.
Wenn'ch wu amol a Häusl sah,
und 's ist kee Gaartl drim,
do gih'ch verächtlch droaa verbei
und sah miech ne mih im.
3.
A Häusl, woaas kee Gaartl hoot,
und wär'sch o noa su schien',
sitt aus wie a Zigeinerwoin,
oas wällt's uff Reesn gihn.
Nee lußt's oack sein,
nee, baut oack ne,
wenn's ne zun Gaartl langt.
A Häusl, woaas kee Gaartl hoot,
mächt'ch ne amol geschankt.
|
|
4.
Doas heeßt,
ihb'ch miech derschissn ließ,
und weil'ch noa goar kees hoa.
tät'ch mer'sch - koann seinn -
noa ieberlähn
und nähm's amende oaa.
5.
Denn wenn ees su a Häusl krigt,
do brauch ees kees zu baun.
A Gaartl, doas is baal' gemacht,
a Gaartl und a Zaum.
Und hinne muß a Rusnstook
und missn Blieml stihn.
A Häusl und a Gaartl drim -
ihr Leut, is goar zu schien'!
(Paul Reime, Zittau)
|
|
|
|
De Laderloaatschn |
|
1.
Schloapp, schloapp, schloapp -
a'n Laderloaatschn
reest dr Christfried 's ganze Juhr.
Schloapp, schloapp, schloapp -
a'n Laderloaatschn
is'r'n ganzn Tag uff Tur. |
|
2.
Uffm Bodn und an Kaller,
Treppe uf und Treppe oab,
a dr Hoalle, an Gewälbe
hirrt mer Christfrieds
schloapp, schloapp, schloapp. |
|
3.
Und wull hundert Mol an Tage
fährt'n seine Frooe oaa:
"Doas is ju zun Geierhulln!
Häb de Pfutn oack amol! |
4.
Wenn de oack an Hause rimkroichst,
koannst a'n Flecklschuhn gihn!
Drei Poaar stihn'r a dr Hoalle,
bist zu faul, die oaazuziehn!" |
5.
Christfried stuchert a dr Pfeife.
Su woaas regt'n ne mih uf;
schloappt schun wieder a de Koammer
keene fimf Minutn druf. |
6.
Aber eemol reßt dr Foadn.
's Gustl hoot de Wut gepackt,
und se hoot de Laderloaatschn
mit a'n Ufm reigestackt. |
7.
Mit dan Pussn fartch zu warn,
woar fer Christfried kee Problem.
Ar ging boarbßch a'n nächstn Loadn,
koam a'n Laderloaatschn heem. |
8.
Wieder schloappt a durch de Stube,
eemol lang und eemol breet.
Meent oack:
"Gustl, wenn de feuerscht,
soist mer vurneweg Bescheed!"
(Max Usemann, Neugersdorf) |
|
|
|
|
Dr Ignaz und dr Kilian |
|
Dr Ignaz und dr Kilian,
zwee Brieder aus Grußschiene,
die gucktn sich de Sunne oaa
mit ganz gelihrter Miene.
Se wußtn ja wull, doaß doas Ding
tagtäglch do a'n Himml hing. |
 |
|
|
|
Dr Ignaz soit zun Kilian:
"Doas diche is an Wundr!
An Murgn gitt de Sunne uf,
zun Obde gitt se under.
Doa wie se moag zericke kumm,
doas macht miech ganz an Kuppe dumm." |
|
|
Dr Kilian zun Ignaz spricht:
"Du hoast ock kee Geschicke!
An Murgn gitt de Sunne uf
und nachts kimmt se zericke.
De Sache is doa ganz gewiß,
mer sitt's oack ne, weil's finster is." |
|
|
|
|
Und wenn de wirscht gesturbm sein,
do lähn se dch rei as Särgl.
Do kimms de a de Arde rei
und hubm druf a Bargl.
Du denkst, du bist an Poaradies,
du sist's oack ne, weil's finster is. |
|
|
(aus dem Archiv Werner Andert) |
|
|
|
|
Feierobd |
"Fer heute reecht's,
ich hoa menn Ziel",
denkt Gustav, lahnt'n Schaflstiel
behutsn a de Schuppmwand,
nimmt's Tobakpfeifl a de Hand
und setzt'ch uffs Haustierbänkl nu.
Ar macht de Oogn sachte zu,
'n Kupp lahnt'r a'n Tierstook droaa
und sitt'ch de Walt
vu inwendch oaa. |
|
Dr Himml hoot'ch rut ieberzoin,
de Oamstl is zun Naast gefloin
und langstn maacht de Sunne rei.
A Tag gitt wieder nu verbei.
De Glockn lautn:
baum - baum - baum.
Und ieber Nubbersch Gaartlzaum
rufft noa a Weibsn: "Gunn Nacht!"
Derno wird anne Tiere zugemacht,
und stille wird's nu haußnrim. |
|
Dr Gustav härmt'ch im oalls nischt drim.
's is su, oas tät a goar nischt hiern.
Mir wulln dan Aaln oack ne stihrn.
Ar feiert woaas, woaas moancher lobt -
und ne mih kennt: F e i e r o b d.
(Herbert Andert, Ebersbach)
|
 |
|
|
|
| |
| © www.usermix.de |
|
 |
|
|
|
Beispiele
